സ്വപ്നം

താമരയല്ലിതൻ പൊൻനിറമേന്തിയെൻ

സ്വപ്നത്തെ വീണ്ടും തളച്ചിട്ടു

അദൃശ്യമായൊരു സുന്ദരലോകത്തിൻ

സൗരഭ്യസംഗീതത്തിൽ അലിയുവാൻ

കൊഴിയുന്നിതാ വീണ്ടുമെൻ സ്വപ്നങ്ങൾ

നിമിഷബന്ധിതമാം ഈ ജീവിതയാത്രയിൽ

വിദൂരമാം മഴവില്ലിൻ ചിറകിനുള്ളിൽ

പറന്നുയരുന്നൊരു പ്രിയതരമാം വർണങ്ങൾക്കുള്ളിൽ

കാത്തിരിക്കുന്നു ഞാൻ വീണ്ടുമെൻ ആത്മാവിൽ

താരാ നിബിഢമാം ഒരു പുലരിയിൽ

ആർദ്രമാം എൻ സാന്ത്വനസ്വപ്നത്തിൻ കുളിരിൽ

ഇത്തിരി നേരം കൂടി മയങ്ങുവാൻ

തിരിച്ചറിവെന്ന ദൂരത്തേക്കുള്ള

സമയത്തിൻ പ്രയാണത്തിനുള്ളിൽ

അറിയാതെ അകലുന്ന എൻ സ്വപ്നങ്ങളെ പുണരുവാൻ

അത്രമേൽ ആഗ്രഹമുണ്ടെനിക്കിനിയും

അത്രമേൽ ആഗ്രഹമുണ്ടെനിക്കിനിയും